நிர்வாகத்தின் உயர்மட்ட அளவிலான, ஊழலுக்கு எதிரான போராட்டத்தில் இது மிகவும் பயனுள்ளதொரு கருவியாகும்; ஏனெனில், இவ்விவகாரத்தில் ஈடுபட்டுள்ள ஊழல் செய்த அரசு பணியாளர் மீது உடனடி தாக்கம் ஏற்படுத்துவதோடு ஊழல் செய்வதிலிருந்து மற்றவர்களையும் தடுக்கிறது. ஒரு குறிப்பிட்ட அரசு ஊழியர் தனது அலுவலகக் கடமைகளை நிறைவேற்றுவதற்கு அல்லது அதை செய்யாமல் இருப்பதற்காக லஞ்சம் கேட்கிறார் என்று புகார் வரப்பெற்று, அத்தகைய லஞ்சத் தொகையை அவர் பெறும் நேரத்தில், குறிப்பிட்ட அந்த அரசு ஊழியரைக் கையும் களவுமாகப் பிடிப்பதற்கு பொறி வைக்கப்படும். புகார்தாரரின் புகாரின் உண்மைத் தன்மையையும் புகார் அளிக்கப்பட்ட அரசு பணியாளரின் நடத்தையை பொறிவைத்து பிடிப்பதற்கு முன்னரே சரிபார்த்த பின்னர் சார்பற்ற சாட்சியங்களின் முன்னிலையில் ஊழல் தடுப்பு மற்றும் கண்காணிப்பு துறை இயக்ககத்தின் அலுவலர்கள் அவர்களை பிடிப்பதற்கான ஏற்பாடுகளை மேற்கொள்வர். அவரை பிடிப்பதற்கான நடவடிக்கை செயற்படுத்தப்பட்டவுடன், அரசு ஊழியர் கைது செய்யப்பட்டு அவர் மீது குற்ற நடவடிக்கை தொடரப்படும். இந்த நடவடிக்கையில் பங்கேற்கும் புகார்தாரருக்கு இச்சட்டம் ஊக்கமளிக்கும். ஊழல் தடுப்பு மற்றும் கண்காணிப்பு துறை இயக்ககத்தின் விசாரணை அலுவலரின் அறிவுறுத்தலின்பேரில், சந்தேகத்திற்கு உள்ளான அலுவலரிடம் புகார்தாரர் அவர் கேட்ட தொகையை அல்லது பொருளை அளிக்க வேண்டும்.